გერბის და დროშის აღწერილობა
კასპის მუნიციპალიტეტის გერბი – სახელმწიფო სიმბოლო. მიღებულია კასპის მუნიციპალიტეტის საკრებულოს მიერ.
გერბის ფარის მეწამულ ველზე გამოსახულია ოქროს გრიფონი, რომლის ზემოთ მოთავსებულია ოქროს ჯვარი (წმინდა ნინო ჯვარი).
გერბის ფარს ზემოთ მოთავსებულია საქალაქო ვერცხლის გვირგვინი – სამკოშკიანი ქონგურებიანი გალავანი (ციხე-სიმაგრის ფორმის) ნახევრად ღია კარიბჭით.
ფარს ქვემოთ მოთავსებულია გერბის დევიზის ვერცხლ-მეწამული ბაფთა, რომლის ვერცხლის ველზე შავით ჩაწერილია გერბის დევიზი -„კასპი“.
კასპის მუნიციპალიტეტის დროშა – სახელმწიფო სიმბოლო მიღებულია კასპის მუნიციპალიტეტის საკრებულოს მიერ.
დროშის მეწამულ ველზე ცენტრში გამოსახულია ოქროს გრიფონი, დროშის ზედა მარჯვენა კუთხეში ოქროს ჯვარი (წმინდა ნინოს ჯვარი). კასპის დროშის პროპორცია არის 2:3.
